ملتان :  محکمہ ہاؤسنگ اربن ڈویلپمنٹ اینڈ پبلک ہیلتھ انجینئرنگ ڈیپارٹمنٹ (ہڈ اینڈ پی ایچ ای ڈی) جنوبی پنجاب کے ڈپٹی سیکرٹری (ٹیکنیکل) ملک زاہد حسین اپنی طویل سرکاری ملازمت کی مدت مکمل کرنے کے بعد باعزت طریقے سے ریٹائرڈ ہو گئے ہیں۔ اپنی مدتِ ملازمت کے دوران انہوں نے محکمے میں انتظامی و تکنیکی امور میں نمایاں خدمات انجام دیں۔ ان کی ریٹائرمنٹ کے موقع پر سیکرٹری ہڈ اینڈ پی ایچ ای ڈی جنوبی پنجاب کے ماتحت کام کرنے والے افسران اور ملازمین نے ان سے دفتر میں ملاقات کی اور انہیں مبارکباد پیش کی۔ اس موقع پر ملک زاہد حسین کی پیشہ ورانہ صلاحیتوں اور خوش اخلاقی کو سراہتے ہوئے ان کے روشن مستقبل کے لیے نیک خواہشات کا اظہار کیا گیا۔