ملتان: نظام مصطفیٰ پارٹی کے ضلعی صدر فہیم ممتاز ایڈووکیٹ نے کہا ہے کہ 2025 کا سال قومی سیاست میں سنگ میل ثابت ہوگا۔ ان کا کہنا تھا کہ 2024 کی سیاسی غلطیوں کو بھلا کر تمام سیاسی جماعتوں کو 2025 میں پاکستان کی ترقی کے لیے مثبت کردار ادا کرنا ہوگا تاکہ ملک ترقی کی راہ پر گامزن ہو سکے۔ انہوں نے اس بات پر زور دیا کہ نئے سال میں غربت اور مہنگائی کے خاتمے کے لیے سنجیدہ اقدامات اٹھانا ضروری ہیں۔ فہیم ممتاز نے دعا کی کہ اللہ تعالیٰ 2025 میں فلسطین اور کشمیر کے مسلمانوں کو آزادی نصیب کرے۔ آخر میں، انہوں نے اپنی جانب سے تمام اہل وطن کو نئے سال کی مبارکباد پیش کی اور امید ظاہر کی کہ یہ سال ملک کے لیے خوشحالی اور استحکام کا باعث ہوگا۔