لاہور: مسلم لیگ (ن) مرکزی رہنما حمزہ شہباز نے کہا ہے کہ اسٹیبلشمنٹ اگر کسی حکومت کو سپورٹ کرے تو اچھی بات ہے۔لاہور میں صحافیوں سے ملاقات میں حمزہ شہباز نے کہا کہ 2024ء کے عام انتخابات 75 سالہ ملکی تاریخ کے مشکل ترین الیکشن ہوں گے۔  بہت مشکل انتخابات ہونے جا رہے ہیں، سب سے زیادہ اہم یہ ہے کہ نوجوانوں کو ساتھ ملایا جائے۔حمزہ شہباز نے مزید کہا کہ جنوبی پنجاب کے 3 دورے کیے وہاں کے ٹکٹوں پر بہتری جاری ہے، بڑی کامیابی حاصل کریں گے۔ تمام سیاسی جماعتوں کو مل کر صرف ملکی معیشت پر کام کرنا چاہیے، ہمیں مل کر ڈالر اور پیٹرول کی قیمت کو کنٹرول کرنا ہے۔ حمزہ شہباز نے یہ بھی کہا کہ اسٹیبلشمنٹ پوری دنیا میں اہم کردار ادا کرتی ہے، اگر وہ کسی حکومت کو سپورٹ کرے تو اچھی بات ہے۔ اسٹیبلشمنٹ کے ساتھ تعلقات اچھے ہوں تو یہ اچھی بات ہے، سیاسی جماعتوں میں برداشت کا مادہ ہونا چاہیے۔عدم برداشت کا ماحول ختم کرکے ایک دوسرے کو برداشت کرنا پڑے گا، ہوسکتا اس میں کئی سال لگ جائیں۔اُن کا کہنا تھا کہ کرپشن کو جڑ سے اکھاڑنے کے لیے اقدامات کرنے کی ضرورت ہے، نیب کا طریقہ کار میں نہیں مانتا۔